Мәлік Жамбылұлы Кетшi бар

Кеттің бе тағы да жаным,
Ақтарып сырыңды.
Іздесем тауып аламын,
Сенен де сұлуды.
Өткізіп сенсіз уақытты,
Тағдырға көнермін.
Жаным-ау менсіз бақытты,
Боп кетсең көрермін.

Сендей арулар көп шығар,
Ал мендей жігіт жоқ шығар.
Көңілің бірақ тоқ шығар,
Кетем дейсің бе,
Кетші бар.

Тағдырға бағынасың ғой,
Бағы боп өзгенің.
Сен мені сағынасың ғой,
Айтып тұр көздерің.
Сен бірақ алаңғасарсың,
Кім құшақ жаяды?
Сағынсаң хабарласарсың,
Нөмірім баяғы...