Мұратбек Тәжіғұлов Әппақ жеңешем

Тамсанатын жасыменен қартыңыз,
Берген шәйің, шәй емес қой бал қымыз!
«Жақсы жеңге, жарты анаңмен тең болар»
Деген екен біздің дана халқымыз.

Қонақжайлық салтымызды сақтағансың ба?!
Анаңыздың ақ үмітін ақтағансың ба?!
Балдай тәтті берген шәйің әппақ жеңешем
Қайным келд(і) деп қалампыр сап баптағансыңба?!

Аналардың дара жолын көксеген,
Үлкен кіші ердің жолын кеспеген!
Сыйластықтың шыңы болған жеңешем,
Өн бойынан ізеттілік өшпеген.

Жылы жүзбен шуақ шашсаң ғаламға!
Күліп берген күрең шәйға қанам ба?
Өз жолынан жаңылмаған ақ жеңгем,
Жар таңдауда жаңылмапты ағам да!