Гульнур Абишева Сағыныш сезім

Сезімің жаңа лаулап,
Сен жазған маған арнап,
Хаттардың бәрі сақтаулы.

Қай күні келеді деп,
Не жауап береді деп,
Атырдың талай ақ таңды.

Сыйлаған сен гүл,
Тап-таза мөлдір
Күндер-ай сол бір,
Қайда?
От болып жанған,
Шоқ болып қалған
Сөнбейтін арман
Қайда?

Қаламсыз, ақ қағазсыз,
Сен кеттің хат-хабарсыз
Сонда да жаным іздейді.

Кіршіксіз таза жүрек,
Тағы хат жазады деп
Әлі де үміт үзбейді.